Mərdəkan istiqamətindəki tuneli su basıb - Video

Mərdəkan istiqamətində yerləşən tuneldə subasma xüsusi texnika vasitəsilə aradan qaldırılır.

APA-nın xəbərinə görə, Bakı Şəhər İcra Hakimiyyətinin əməkdaşı Dəniz Məmmədli bildirib ki, bu hal şəhərin kanalizasiya sisteminin xaric edə biləcəyi miqdardan xeyli artıqdır və dünyanın heç bir şəhəri bundan sığortalanmayıb: "Belə hallar son zamanlarda Avropa və dünyanın digər ölkələrində də müşahidə olunmaqdadır. Misal üçün İtaliyanın Siciliya bölgəsində, Avropanın digər şəhərləri və ya Rusiyada bəzi şəhərlər bu günlərdə təbii fəlakətlə üz-üzə qalıblar. Buna səbəb kimi bəzi alimlər qlobal iqlim dəyişikliyini də göstərirlər".

Bakıda bu gün səhər saatlarından başlayan yağıntının normadan artıq olması müşahidə olunur.

BŞİH-də aidiyyəti qurumların iştirakı ilə keçirilən iclasdan sonra Fövqəladə Hallar Nazirliyinin (FHN) və Azərbaycan Avtomobil Yolları Dövlət Agentliyinin (AAYDA) qurumları hərəkətə keçib.