Holokost qurbanları yad edilib

Azəbaycan Dağ Yəhudiləri  Dini İcması Holokost qurbanlarının anım gününü yad  edib. İcmanın mətbuat xidmətinin rəhbəri Murad Salmanovun ANN.Az-a verdiyi məlumata görə, anım günü soyqırım qurbanların xatirəsi üçün bir dəqiqəlik sükutla başlayıb. Sonra isə Azərbaycan Dağ Yəhudiləri Dini İcmasının sədri Milix Yevdayev Holokost haqqında  danışaraq, qeyd edib ki,  “Holokost təkcə yəhudi xalqına qarşı deyil bütün insanlığa qarşı törədilmiş soyqırımdır. Soyqırım zamanı günahsız 6 milyon yəhudi amansızcasına qətl edilib. Bu  soyqırım dünya tarixində qara bir ləkə olaraq qalacaq” O həmçinin  bildirib ki, min illərdir yəhudilər Azərbaycanda yaşayır və bu vaxt ərzində heç bir zaman yəhudilərə qarşı anti semitizm olmayıb. Bu, Azərbaycan xalqının necə də tolerant xalq olmasının nümunəsidir. Bu gün müstəqil Azərbaycan dövləti həm öz inkişafı ilə, həm də yüksək tolerantlığı ilə dünyanın diqqət mərkəzindədir”.  Bundan sonra  soyqırım qurbanlarının əziz xatirəsi üçün dualar oxunub. Sonda isə ehsan süfrəsi verilib.SeymurANN.Az