Bakıda 200 minlik cinayətin üstü açıldı

Bakı sakinləri Əjdər Talıbov və İsmət Məmmədov həmyerliləri Mirzə Mirzəyevi və ailəsini öldürəcəkləri ilə hədələyərək pul tələb ediblər

Bakıda şantaja əl atan şəxslər tutulublar. Bu barədə məlumat Daxili İşlər Nazirliyinin mətbuat xidmətindən verilib. 

Məlumata görə, saxlanılanlar Bakı şəhər sakinləri, əvvəllər məhkum olunmuşlar Əjdər Talıbov və İsmət Məmmədovlardır. 

Onlar Baş Mütəşəkkil Cinayətkarlıqla Mübarizə İdarəsi əməkdaşlarının keçirdikləri əməliyyat-axtarış tədbirləri nəticəsində tutulublar. 

Əvvəllər məhkum olunmuş şəxslər - Əjdər Talıbov və İsmət Məmmədov həmyerliləri Mirzə Mirzəyevi və onun ailə üzvlərini öldürəcəkləri ilə hədələyiblər. Bunun müqabilində isə ondan 200.000 manat pul tələb ediblər.

Baş Mütəşəkkil Cinayətkarlıqla Mübarizə İdarəsindən ANS PRESS hadisə barədə ətraflı məlumat verə bilməyəcəklərini bildiriblər. 

Baş vermiş faktla əlaqədar cinayət işi başlanılıb. 

ANS PRESS