Şəmşad Ağa barəsində 2 ay 1 gün həbs qətimkan tədbiri seçilib

Xətai Rayon Məhkəməsində  "Meydan TV işi” üzrə saxlanılan "Arqument.az” saytının rəhbəri Şəmşad Ağa barəsində 2 ay 1 gün müddətə qərarı seçilib. Bu barədə onun vəkili Şəhla Hümbətova bildirib.

 

Vəkilin bildirir ki, Şəmşad Ağa guya Meydan TV-nin həbs olunan jurnalistləri ilə birgə 2 ya 3 dəfə xaricə eyni reyslə gedib.  O  isə həmin jurnalistlərlə birgə təlimə getdiyini bildirib. Ancaq ittiham tərəfi bunu qəbul etməyib. 

Onun barəsində Cinayət Məcəlləsinin 206.3.2-ci (qaçaqmalçılıq, əvvəlcədən əlbir olan bir qrup şəxs tərəfindən törədildikdə) maddəsi ilə ittiham olunub.

Bir müddət əvvəl Daxili İşlər Nazirliyi tərəfindən "Meydan TV" əməkdaşları – Ramin Cəbrayılzadə (Ramin Deko), Aynur Qəmbərova (Elgünəş), Aytac Əhmədova (Tapdıq), Aysel Umudova, Xəyalə Ağayeva, Natiq Cavadlı və Ülvi Tahirov saxlanılıb.

Onlar barəsində Cinayət Məcəlləsinin 206.3.2-ci (qaçaqmalçılıq, əvvəlcədən əlbir olan bir qrup şəxs tərəfindən törədildikdə) maddəsi ilə ittiham verilib. Xətai rayon Məhkəməsi tərəfindən hər biri barəsində 4 ay müddətinə həbs qətimkan tədbiri seçilib.