Ballıcaya daha 95 nəfər köçürülüb

Xocalı rayonunun Ballıca kəndinə  22 ailədən ibarət 95 nəfər köçürülüb. Bu barədə Qaçqınların və Məcburi Köçkünlərin Dövlət Komitəsindən bildirilib.

Bildirilib ki, bu mərhələ də Ballıcaya ümumilikdə köçürülənlərin sayı 562 nəfərə çatıb.

Xocalının Ballıca kəndi 2023-cü il sentyabrin 19-20-də Qarabağda keçirilən lokal antiterror tədbirləri məticəsində Azərbaycan Ordusunun nəzarəti altına keçib.
 
Prezident İlham Əliyev oktyabrın 15-də Xocalı rayonunun Əsgəran qəsəbəsində Azərbaycan Respublikasının Dövlət Bayrağını ucaldıb.

Qarabağa Qayıdış Proqramı çərçivəsində 2026-ci ilə qədər Xocaıya əhalinin köçürülməsi nəzərdə tutulub. 
 
İkinci Qarabağ Müharibəsindən sonra 9306 nəfər olmaqla 2400 ailə işğaldan azad olmuş ərazilərə köçürülüb.
 
Son 4 ildə Qarabağın yenidənqurulmasına və bərpasına 22 milyard manata yaxın vəsait xərclənib. 
 
Növbəti il üçün proseslərin davamına 4 milyard manat ayrılması proqnozlaşdırılır.  

Aytac Zeynalova