Şagirdlərin davamiyyətində qismən azalma müşahidə edilir - MÜTDA

Hava şəraiti ilə əlaqədar olaraq şagirdlərin davamiyyətində qismən azalma müşahidə edilir. Bu barədə Məktəbəqədər və Ümumitəhsil Dövlət Agentliyindən bildirilib. 

Qurum təlim-tədris prosesinin fasiləsiz şəkildə davam etdiyini də açıqlayıb. 

Agentlik intensiv yağıntılarla əlaqədar olaraq xüsusilə azyaşlı məktəblilərin valideynlərini dərsə gedən övladlarını nəzarətdə saxlamağa çağırır, təhsil müəssisələrinin rəhbərlərindən və valideynlərdən müvafiq təhlükəsizlik tədbirlərinə, təhlükə ilə üzləşdikdə isə dərhal aidiyyəti xilasetmə qurumlarının çağırış və tövsiyələrinə riayət etmələrini xahiş edir.