• $
  • €
  • ₽
  • ₺
  • £

Sevinc Babayevanın bağ evində oğurluq

Sevinc Babayevanın bağ evində oğurluq
14.01.2014 10:35
"Mandat alveri”nin qurbanlarından olan, 2012-ci il 26 dekabrda dünyasını dəyişən Sevinc Babayevanın ailəsinə daha bir zərbə də oğrulardan dəyib.

Məlumata görə, S.Babayevanın Novxanıda yerləşən bağ evindən oğurluq olub. Məlumatda oğurluq zamanı hansı əşyaların oğurlanması, onun dəyəri barədə məlumat yox idi.

Bu xəbəri dəqiqləşdirmək üçün S.Babayevanın oğlu Ayxan Məmmədovla əlaqə saxlanılıb. “Yeni Müsavat”a açıqlamasında A.Məmmədov xəbəri təsdiqləyib. Onun sözlərinə görə, bağ anasına yox, ana babası Telman Babayeva məxsus olub: “Novxanıda yerləşirdi, köhnə bir bağ idi. Bir imkansız qohumumuz var idi, onlar yaşayırdılar içində. Amma həmin qohum bir ay bundan əvvəl həmin bağdan köçüb, bizim də xəbərimiz olmayıb. O gün isə xəbər tutduq ki, bağdan ciddi oğurluq olunub”.Müsahibimiz xatırlatdı ki, anasının ölümündən bir neçə ay öncə “Sahil” metro stansiyasının üstündə yerləşən çoxmərtəbəli binanın üstündəki mənzili boşaldılmışdı:“Həmin mənzildən çıxarılan bütün əşyalar isə Novxanıdakı bağ evinə yerləşdirilmişdi. Orada bahalı xalçalar, çanaq antenalar, dəyəri 2-3 min manat olan antikvar telefonlar, evdən çıxan bir çox bahalı əşyalar var idi. Ev boşaldılandan sonra fikirləşdik ki, ordan çıxan əşyaları harda yerləşdirək. Qərar verdik ki, bağ boşdur, ən münasib yer oradır. Oğrular onların hamısını götürüblər. Hadisənin konkret hansı tarixdə baş verməsini dəqiq deyə bilmərəm. Amma xəbər tutan kimi müvafiq polis orqanına bu barədə xəbər verdik”.A.Məmmədovun sözlərinə görə, hazırda polis bu oğurluq işi ilə bağlı araşdırma aparır. Dünən tezdən polislərlə əlaqə saxlayan A.Məmmədova araşdırmanın aparıldığı bildirilir. Müsahibimizdən “bu, sıradan oğurluq hadisəsidir, yoxsa Sevinc Babayevanın evindən çıxan əşyaların içində gizli sənəd, disk axtarmaq istəyənlərin təşəbbüsü?” sualına cavabda A.Məmmədov dedi ki, hadisədə hər hansı başqa səbəblər axtarmaq lazım deyil: “Bu, adi bir oğurluq hadisəsidir. Bağ yeridir, içəridə adam olmayıb, əşyaları oğurlayıblar. Polislər araşdırmaya başlayıb. Ümid edirəm, yaxın zamanda hər şey üzə çıxacaq”. ANN.Az
Instagram
Keçid et
Oxşar xəbərlər
Oxşar xəbərlər
Xaçmazda iki avtomobil toqquşub, bir ailənin altı üzvü xəsarət alıb
Cəmiyyət 23:30
Xaçmazda iki avtomobil toqquşub, bir ailənin altı üzvü xəsarət alıb
Qazaxda 63 yaşlı kişi Kürdə batıb
Cəmiyyət 22:56
Qazaxda 63 yaşlı kişi Kürdə batıb
Bu ərazilərdə qaz olmayacaq
Cəmiyyət 22:20
Bu ərazilərdə qaz olmayacaq
Sabah hava meteohəssas insanlar üçün əlverişsiz olacaq
Cəmiyyət 18:06
Sabah hava meteohəssas insanlar üçün əlverişsiz olacaq
Magistral yollarda görünüş məsafəsi məhdudlaşacaq
Cəmiyyət 17:43
Magistral yollarda görünüş məsafəsi məhdudlaşacaq
Gəncədə yol qəzası baş verib, xəsarət alanlar var
Cəmiyyət 13:30
Gəncədə yol qəzası baş verib, xəsarət alanlar var
Sabah Bakıya yağış, dağlıq ərazilərə qar yağacaq
Cəmiyyət 12:38
Sabah Bakıya yağış, dağlıq ərazilərə qar yağacaq
Azərbaycan vətəndaşlarının İordaniyaya vizasız rejimi tətbiq edilib
Cəmiyyət 12:01
Azərbaycan vətəndaşlarının İordaniyaya vizasız rejimi tətbiq edilib
Astarada yol qəzası nəticəsində qaz xətti zədələnib, beş kənddə qaz kəsilib
Cəmiyyət 11:45
Astarada yol qəzası nəticəsində qaz xətti zədələnib, beş kənddə qaz kəsilib
Anews TV

Rəsmi Youtube kanalımız

Abunə ol