Kəlbəcərdə yük və minik avtomobilləri toqquşub, ölən var

Kəlbəcərdə ölümlə nəticələn yol qəzası baş verib.

APA-nın məlumatına görə hadisə rayonun Çaykənd kəndində qeydə alınıb.

Hərəkətdə olan "Hovo" markalı yük avtomobili ilə "KİA" markalı minik avtomobili toqquşub.

Dərhal hadisə yerinə FHN Kəlbəcər rayon Dövlət Yanğından Mühafizə hissəsinin əməkdaşları cəlb olunub.

Qəza zamanı “KİA”-nın sürücüsü Azad Zeynalov hadisə yerində ölüb.

Sürücünün meyiti FHN əməkdaşları tərəfindən avtomobildən çıxarılaraq aidiyyəti üzrə təhvil verilib.

Faktla bağlı araşdırma aparılır.