Rüfət Səfərovun həbs müddəti uzadılıb

Hüquq müdafiəçisi Rüfət Səfərovun barəsində seçilən həbs qətimkan tədbirinin müddəti 3 iyun 2025-ci ilədək uzadılıb. Bu barədə onun vəkili Bəhruz Bayramov anews.az-a məlumat verib.

Vəkilin sözlərinə görə, aprelin 29-da Binəqədi Rayon Məhkəməsində istintaq orqanının vəsatətinə baxılıb və məhkəmə vəsatəti təmin edib.

"İttiham tərəfi bildirdi ki, istintaq hələ davam edir və buna görə də həbs müddətinin uzadılmasına ehtiyac var. Biz etiraz etdik, lakin məhkəmə nəzərə almadı", —  vəkil qeyd edib.

Rüfət Səfərov 2024-cü il dekabrın 3-də saxlanılıb. O, Cinayət Məcəlləsinin 178.3.2-ci (külli miqdarda ziyan vurmaqla dələduzluq), 127.2.3-cü (qəsdən sağlamlığa az ağır xəsarət yetirmə) və 221.1-ci (xuliqanlıq) maddələri ilə ittiham olunur.

Rüfət Səfərov özünü təqsirli bilmədiyini bildirib.

Tatyana Kryuçkina