Ailəsi Hacı Vəliyevin səhhətində problemlər yarandığını deyir

"Gənc Qazilər" İB-nin sədri Qazi Hacı Vəliyev həkim müayinəsi üçün 1 Saylı Respublika Psixiatriya xəstəxanasına aparılıb. Bu barədə ictimai birlik onun ailəsinə istinadla yazıb. 

Açıqlamada Vəliyyevin səhhətində müəyyən problemlər olduğunu qeyd olunub. 
"Hacı Vəliyev ailə üzvlərinə bildirib ki, havaya çıxa bilmir, gözləri ağrıyır.
Saxlanılma şəraitində müalicə və müayinəsini həyata keçirmək üçün həkim ayrılmayıb. Onun reabilitasiya mərkəzində müalicəyə ehtiyacı var", - məlumatda deyilir. 

Xətai rayon Məhkəməsində Gənc Qazilər Birliyinin sədri Hacı Vəliyev barəsində olan həbs qətimkan tədbirinin   2 ay uzadılıb. 

Vəliyev  Cinayət Məcəlləsinin 221.3-cü (Xuliqanlıq, silahdan və ya silah qismində istifadə olunan əşyalardan istifadə edilməklə törədilməsi zərər çəkmiş şəxsə zor tətbiq olunması ilə, yaxud özgənin əmlakının məhv edilməsi və ya zədələnməsi ilə müşayiət olunduqda) və 186.1-ci (Özgənin əmlakını qəsdən məhv etmə və ya zədələmə zərərçəkmiş şəxsə xeyli miqdarda ziyan vurmaqla törədildikdə) maddələri ilə ittiham olunur. 

Gülnar