Parlamentdə təhsil nazirliyinə irad

Təhsillə bağlı qısa müddətdə verilən qərarlar göstərir ki, bu istiqamətdə ciddi strateji yanaşmalar ortaya qoymaq lazımdır. Bunu Milli Məclisin deputatı Fazil Mustafa deyib. 

“Bugünlərdə anidən qərar verildi ki, V,VI və VIII siniflər üçün imtahanlar ləğv olunsun. Təhsildə belə anidən qərarlar verilmir. Belə təcrübələrin nəticəsi yaxşı da olmur. İndiki nazir çıxıb deyir ki, indi 20 il öncəki səhvləri düzəldirik. 20 il sonra da biri gəlib deyəcək ki, biz öncəki illərin səhvini düzəldirik. Təhsil strategiyasına ciddi yanşmalıyıq”, - deputat bildirib. 

Bir neçə gün öncə Təhsil İnstitutu açıqlama yayaraq bildiri ki, bu ildən yalnız VI siniflər lisey və gimnaziyalara qəbul ola biləcək. Bu valideynlər tərəfindən etirazla qəbul olunduqdan sonra istisna hal kimi qərara müvəqqəti dəyiiklik edilib. 

Gülnar Nazimqızı