Vətəndaşlar evlərinin sığortalanmasını vacib addım kimi qəbul etməlidir

Vətəndaşların evlərinin sığortalanması istiqamətində maarifləndirmə işlərini günişləndirilməsinə ehtiyac var. Bunu Milli Məclisin deputatı Aydın Mirzəzadə deyib. 

“Şahidi oluruq ki, təbii fəalkətdən zərər çəkən vətəndaşların evləri sığorta olunmur və bu zaman yük dövlətin üzərinə düşür. İstərdim ki, vətəndaşların bu istiqamətdə maarifləndirilməsi genişləndirilsin. Vətəndaşlar mülkiyyətinin sığortalnamasını hüquqi yollarla icra etməlidir ki, sabah hansısa hadisə baş verəndə ona dəyən ziyan ödənə bilsin”, - deputat bildirib. 

Deputat Siyavuş Novruzov da cavab olaraq bildirib ki, bu gün meyvə bağları, eləcə də mal-qaranı sığortalamaq mümkündürsə, evlərin sığortanması da vacib olmalıdır. Deputat vurğulayıb ki, evlərin sığortalanması elə də böyük məbləğ tələb etmir. 

Gülnar Nazimqızı