6 ayda Naxçıvanda cinayət hadisələrin sayı ötən illə müqayisədə sabit qalıb

Naxçıvanda 2025-ci ilin altı ayında ötən ilin eyni dövrü ilə müqayisədə bölgədə cinayət hadisələrinin sayı əsasən sabit qalıb.Bu barədə Naxçıvan Muxtar Respublikasının prokuroru 2025-ci ilin ilk yarısında hüquq-mühafizə orqanlarının fəaliyyəti ilə bağlı keçirilən müşavirədə çıxış edərək bildirib.

Onun sözlərinə görə, daxili işlər və dövlət təhlükəsizlik orqanları ilə əməkdaşlıq nəticəsində cinayətlərin açılma faizi 97%-ə çatıb.

Prokuror həmçinin qeyd edib ki, istintaq və təhqiqatın keyfiyyətinin artırılması istiqamətində zəruri tədbirlərin görülməsi vacibdir.

Məruzədə o da bildirilib ki, 2025-ci ilin ilk altı ayında prokurorluq orqanlarına daxil olan müraciətlərin sayı azalıb. Bu azalma hüquqi maarifləndirmə və profilaktik tədbirlərlə əlaqələndirilir.

Naxçıvan Muxtar Respublikası prokurorunun müavini, ədliyyə müşaviri Amil Rəhimov çıxışında cinayət işləri və araşdırma materialları üzrə səmərəliliyin artırılması məqsədilə bütün zəruri tədbirlərin görüləcəyini bəyan edib.

Gülnar