“Startap” şəhadətnaməsi alan sahibkarların sayı 220-yə çatıb

Azərbaycanda “Startap” şəhadətnaməsi alan sahibkarların sayı 220-yə çatıb. Bu barədə Kiçik və Orta Biznesin İnkişafı Agentliyi (KOBİA) məlumat yayıb.

Sonuncu Ekspertlər Şurasında 14 müraciətə baxılıb və 5 mikro və kiçik sahibkara şəhadətnamə təqdim edilib. Qəbul olunan layihələr arasında süni intellekt üçün data infrastrukturu, onlayn idarəetmə platforması, rəqəmsal yemək kartı, taksi reklam xidməti və onlayn repetitorluq həlləri yer alır.

“Startap” şəhadətnaməsi sahibləri innovasiya fəaliyyəti üzrə əldə etdikləri gəlirlərdən 3 il müddətinə mənfəət və ya gəlir vergisindən azaddır.

Gülnar