Sabiq “Qazprom” rəsmisinin bağ evini yandırmaqdatəqsirləndirilən bağban 7 il həbs cəzası aldı

Bakı Ağır Cinayətlər Məhkəməsi  29 yaşlı bağban Əkpər Bəşirliyə qarşı irəli sürülən oğurluq, qəsdən yanğın törətmə və sənədlərin məhv edilməsi ittihamlarını əsaslı sayaraq onu 7 il azadlıqdan məhrum edib.

2023-cü ilin aprelində sabiq “Qazprom” nümayəndəliyinin rəhbəri Akif Həsənova məxsus Şüvəlan bağında yanğın baş verib.

İstintaqa görə, Bəşirli seyfi oğurlayıb, sənədləri yandırıb və əmlaka ciddi ziyan vurub.

Zərərçəkən 450 min manatlıq mülki iddia qaldırıb.

Təqsirləndirilən şəxs oğurluğu etiraf etsə də, qəsdən yanğın törətdiyini inkar edib.

Zərərçəkmiş Akif Həsənovun sözlərinə görə, hadisə günü dostları ilə birlikdə evdən kənarda olub və qayıtdıqda bağ evinin alov içində olduğunu görüb.

Yanğınsöndürənlər yanğının qəsdən törədildiyini bildirib.

İstintaq müəyyən edib ki, seyf yanğından əvvəl şkafdan çıxarılıb, şkafın qapısı isə zorla açılıb. Seyfin içində 5000 ABŞ dolları, saatlar və sənədlər olub.

N.Təbrizli