Şirvanda TƏBİB əməkdaşı keçmiş həyat yoldaşı tərəfindən bıçaqlanıb

Şirvan Mərkəzi Rayon Xəstəxanasının ictimaiyyətlə əlaqələr üzrə mütəxəssisi Lamiya Qənbəyeva keçmiş həyat yoldaşı tərəfindən bıçaqlanaraq ağır yaralanıb.

TƏBİB mətbuat xidmətinin rəhbəri Zamira Adilovanın verdiyi məlumata görə,hadisə qadın işdən evə qayıdarkən baş verib.

Onunla birlikdə anası və iki övladı da olub. Keçmiş həyat yoldaşı Tural Qənbəyev binanın girişində qarşısını kəsərək ona bıçaqla hücum edib.

Qadın müxtəlif bədən xəsarətləri alaraq xəstəxanaya yerləşdirilib və əməliyyat edilib.

Polis 1986-cı il təvəllüdlü Tural Qənbəyevin saxlanılması istiqamətində tədbirlər görür.

N.Təbrizli