Alma ixracının həcmi artıb

2025-ci ilin səkkiz ayında Azərbaycanın alma ixracı ötən ilin eyni dövrü ilə müqayisədə 43,9% artaraq 61 893,63 tona çatıb. Bu barədə Dövlət Gömrük Komitəsindən bildirilib. 

Bu dövrdə alma ixracının statistik dəyəri 43,4 milyon ABŞ dolları olub. Müvafiq dövrdə, 2024-cü ilin ilk səkkiz ayında isə ixrac 43 017,92 ton, dəyəri isə 28,35 milyon dollar təşkil edib.

İxracdakı bu kəskin artım məhsuldarlıq, bazar genişlənməsi və logistik imkanların yaxşılaşması ilə izah olunur.

Azərbaycanın əsas alma ixrac bazarları arasında Rusiya, Yaxın Şərq ölkələri və Orta Asiya regionları yer alır. Son illər ərzində meyvəçilik sektoruna dövlət dəstəyi və müasir saxlama texnologiyalarının tətbiqi alma ixracının həcmini artırmağa imkan verib.

Gülnar Nazimqızı