"Güclüsən” cəmiyyəti 3 ildə 500-dən çox qadını ödənişsiz müayinəyə cəlb edib

"Güclüsən” cəmiyyəti 3 ildə 500-dən çox qadını ödənişsiz müayinəyə cəlb edib.  Bunu Paşa Həyat-ın İdarə Heyətinin üzvü, baş maliyyə inzibatçısı Dilara Babayeva deyib.

O bildirib ki, qurumun əsas məqsədi qadınlara süd vəzi xərçəngi haqqında məlumat vermək, erkən diaqnostikanın əhəmiyyətini izah etməkdir. 

“Bu müddət ərzində cəmiyyət müxtəlif təşkilatlarla əməkdaşlıq edərək yalnız paytaxtda deyil, Gəncə, Sumqayıt, Zaqatala kimi bölgələrdə də maarifləndirici tədbirlərin keçirilməsini təmin edib. “TƏBİB, Milli Onkologiya Mərkəzi və ‘Yananal İnkişaf’ İctimai Birliyinin dəstəyi ilə Bakıda və aparılan digər kampaniyalar çərçivəsində 500-dən çox qadının ödənişsiz müayinəsi təşkil olunub”,- o vurğulayıb.

Azərbaycanda qadınlarda süd vəzi xərçənginin erkən diaqnostikasının təşviqi məqsədilə yaradılan “Güclüsən” cəmiyyəti  üç ildir fəaliyyət göstərir.

Aytac Zeynalova