Elm xərcləri təhsil xərclərinə aid olduğu üçün onun az olduğunu düşünmürük - Nazir

2026-cı il dövlət büdcəsində elm və təhsil xərcləri birlikdə 5,3 milyard manata yaxınlaşır. Bunu maliyyə naziri Sahil Babayev 2026-ci ilin dövlət büdcəsi layihəsinin müzakirəsi zamanı deputatların "elmə ayrılan vəsait azdır" çıxışına münasibət olaraq bildirib. 

“Elm və təhsil xərcləri birlikdə götürülür. Bu məbləğ təxminən 5,3 milyard manata çatır. Sırf elmi tədqiqatların, tətbiqi və fundamental elmin, eləcə də ali təhsilin maliyyələşdirilməsi məsələlərini birgə müzakirə etməyə hazırıq", — Babayev parlamentdə büdcə müzakirələri zamanı deyib.

Nazir əlavə edib ki, təhsil xərcləri son beş ildə əhəmiyyətli dərəcədə artırılıb, bu da dövlətin insan kapitalının inkişafına verdiyi prioritetin göstəricisidir.

2026-ci ilin dövlət büdcəsinin müzakirəsi zamanı bir neçə deputat çıxış edərək bildirib ki, elmə ayrılan vəsait azdır. 

Gülnar Nazimqızı