AZCON-un icraçı direktoruna yeni müşavir təyin edilib

Azərbaycan Nəqliyyat və Kommunikasiya Holdinqinin (AZCON) icraçı direktoru Şahin Babayevə beynəlxalq maliyyələşmə və investisiya məsələləri üzrə müşavir təyin edilib. Apa-nın məlumatına görə, bu vəzifə Elçin Məmmədova həvalə edilib.

Məmmədov bundan öncə Rəqəmsal İnkişaf və Nəqliyyat Nazirliyində investisiya direktoru vəzifəsində çalışıb.

Əlavə olaraq, AZCON-da rəqəmsal transformasiya və strategiya bölməsinin rəisi vəzifəsinə də təyinat olub.

Bu vəzifə Xalid Xalidliyə həvalə edilib.

Xalidli daha öncə dövlət və özəl sektorda müxtəlif şirkətlərdə çalışıb.