Cəfər Cabbarlı stansiyasında tüstülənmə olub

Bakı Metropoliteninin “Cəfər Cabbarlı” stansiyasına bitişik yeraltı keçiddə yerləşən ticarət mağazasında bu səhər tüstülənmə qeydə alınıb. Bu barədə məlumatı “Bakı Metropoliteni” QSC məlumat yayıb. 

Hadisənin sərnişin axınına təsir etməməsi üçün stansiyanın giriş və çıxışları dərhal bağlanıb, havalandırma sistemi isə sovurma rejiminə keçirilib. 

Metropoliten bildirir ki, “Cəfər Cabbarlı” və “28 May” stansiyalarında, həmçinin “Cəfər Cabbarlı–Xətai” mənzilində qatarların hərəkəti normal rejimdə təmin olunur.

Stansiyanın giriş-çıxışlarının saat 10:00-da bərpa ediləcəyi gözlənilir.