Noyabrda sərhəddi qanunsuz keçmək istəyənlərin sayı açıqlanıb

Noyabrda 27 nəfər dövlət sərhədini qanunsuz keçməyə cəhd etdiyinə görə saxlanılıb, onların arasında 12 Pakistan, 7 Azərbaycan, 2 İran, həmçinin Əlcəzair, Özbəkistan, Almaniya, Türkiyə, Misir və Sudan vətəndaşları olub. Bu barədə Dövlət Sərhəd Xidmətindən bildirilib.

Saxtalaşdırılmış pasport və möhürlə sərhədi keçməyə cəhd göstərən 15 nəfər müəyyən edilib.

Sərhəd rejimi qaydalarını pozduğu üçün 586 nəfərə qarşı tədbirlər görülüb.

DSX həmçinin hüquq-mühafizə orqanlarının axtarışında olan 402 nəfəri saxlayaraq müvafiq qurumlara təhvil verib.

Ölkədən çıxışı qadağan edilmiş 531 nəfərin sərhədi tərk etməsinin, girişi məhdudlaşdırılmış 50 nəfərin isə ölkəyə daxil olmasının qarşısı alınıb.

Gülnar Nazimqızı