Bədii qiraətçi Nadir Hüseynov avtomobil qəzasında vəfat edib

Bədii qiraətçi, professor və Əməkdar müəllim Nadir Hüseynov vəfat edib. APA-nın məlumatına görə, Hüseynov sükan arxasında ürəyi dayanaraq nəqliyyat vasitəsini idarə edə bilməyib və avtomobil maneəyə çırpılıb.

1952-ci ildə Neftçala rayonunda anadan olan Nadir Hüseynov M. Əliyev adına Azərbaycan Dövlət İncəsənət İnstitutunu bitirib, 1975-ci ildə Leninqradda keçirilən ümumittifaq bədii qiraətçilər müsabiqəsinin diplomantı olub.

O, uzun illər Azərbaycan Dövlət Mədəniyyət və İncəsənət Universitetində “Səhnə danışığı” fənnini tədris edib və Azərbaycan Dövlət Televiziyasında yayımlanan “Ozan” verilişinin aparıcısı kimi tanınıb.