İstanbulda Azərbaycan məktəbi açılacaq

Azərbaycan və Türkiyə hökumətləri arasında təhsil sahəsində əməkdaşlıq çərçivəsində İstanbulda ibtidai, orta və lisey səviyyələrində Azərbaycan təhsil müəssisəsi yaradılacaq.

Milli Məclisin bu gün qəbul etdiyi qanun layihəsinə əsasən, məktəb Türkiyə qanunvericiliyinə uyğun fəaliyyət göstərəcək və təhsil Azərbaycan dövlət proqramları və beynəlxalq standartlar əsasında aparılacaq. Protokol müəllim heyətinin təminatı, dərslik və tədris ləvazimatlarının gömrük prosedurları, habelə müəllimlər və ailələri üçün müvəqqəti yaşama icazələrini tənzimləyir.

Qanun layihəsi parlamentdə bir oxunuşda səsvermə nəticəsində qəbul edilib.

Gülnar Nazimqızı