İl ərzində Bakıda necə məktəb təmir edilib? - Açıqlama

2025-ci təqvim ilində Bakı Şəhəri üzrə Təhsil İdarəsinin (BŞTİ) tabeliyindəki 105 təhsil müəssisəsində cari təmir və mühəndis kommunikasiya işləri həyata keçirilib. Bu barədə qurumdan bildirilib. 

İdarənin məlumatına görə, 4 məktəbdə — 59, 151, 324 və 313 nömrəli məktəblərdə yenidənqurma və təmir-bərpa işləri başa çatdırılaraq şagirdlərin istifadəsinə verilib.

Hazırda BŞTİ-nin tabeliyində fəaliyyət göstərən 3 məktəbin — 57, 68 və 141 nömrəli məktəblərin sökülərək yenidən tikintisi davam edir. Bundan əlavə, 328 nömrəli uşaq bağçası və Eşitmə qabiliyyəti pozulmuş uşaqların Respublika ixtisaslaşdırılmış körpələr evi-uşaq bağçasında əsaslı təmir işləri aparılır.

Eyni zamanda, 5 məktəbəqədər təhsil müəssisəsi — 99, 116, 257, 286 nömrəli bağçalar və A. Məmmədov adına bağça əsaslı təmir işlərindən sonra fəaliyyətə başlayıb. 101 nömrəli uşaq bağçasında isə təmir-bərpa işləri yekunlaşıb.

Gülnar