Deputat: Kəlbəcər–Şərqi Zəngəzurda məktəblərin bağlanması ilə bağlı alternativlər təqdim olunmur

Milli Məclisin deputatı Mircəli Qasımlı Kəlbəcər–Şərqi Zəngəzur Regional Təhsil İdarəsi ilə bağlı müəllimlərin müraciətlər etdiyini bildirib.

Deputatın sözlərinə görə, müraciətlər əsasən 50–60 şagirdi olan məktəblərin bağlanması ilə əlaqədardır.

O qeyd edib ki, prosesə görə birbaşa təhsil idarəsini qınamır, lakin məktəblərin bağlanması zamanı alternativ həll yollarının təqdim edilməməsi narahatlıq doğurur.

Mircəli Qasımlı vurğulayıb ki, mövcud vəziyyətdə müəllimlərin məşğulluğu və şagirdlərin təhsilə çıxış imkanları ilə bağlı aydın mexanizmlər irəli sürülməlidir.

Deputat həmçinin bildirib ki, deputat sorğularına ən operativ cavab verən qurumlar Daxili İşlər Nazirliyi və Baş Prokurorluqdur.

Gülnar Nazimqızı