Azərbaycanda kondensat hasilatı azalıb

Azərbaycanda 2025-ci ildə kondensat hasilatı 4 milyon 911,88 min ton təşkil edib. Bu, 2024-cü illə müqayisədə 7,1 % azalma deməkdir.

Dövlət Statistika Komitəsinin məlumatına görə, hesabat dövründə ölkənin ümumi neft hasilatında kondensatın payı 17,7 %, xam neftin payı isə 82,3 % olub. Neft hasilatı 22 milyon 767,77 min ton təşkil edib ki, bu da illik müqayisədə 4,2 % azalmadır.

Daha əvvəl açıqlanan rəsmi göstəricilərə əsasən, Azərbaycanda 2025-ci ildə neft hasilatı (kondensatla birlikdə) 27 milyon 679,65 min ton olub. Bu da 2024-cü illə müqayisədə 4,7 % azalma deməkdir.

Azərbaycanda hasil edilən kondensatın əsas hissəsi “Şahdəniz” yatağının payına düşür və məhsul tam həcmdə Bakı–Tbilisi–Ceyhan neft kəməri ilə ixrac olunur. Kondensat hasilatına 2023-cü ilin iyulunda istismara verilmiş “Abşeron” qaz-kondensat yatağı, eləcə də “Ümid” yatağı (“Ümid–Babək” bloku) da töhfə verir.