Nərimanov rayonunda yaşayış binasında yanğın baş verib, sakinlər təxliyə edilib

Bakı şəhərinin Nərimanov rayonunda İzzəddin Həsənoğlu küçəsində çoxmərtəbəli yaşayış binasında yanğın baş verib.

APA xəbər verir ki, hadisə binanın 13-cü mərtəbəsində yerləşən mənzilin mətbəxində baş verib.

Əraziyə dərhal Fövqəladə Hallar Nazirliyinin əməkdaşları, polis və təcili tibbi yardım briqadaları cəlb olunub.

Yanğının səbəbi hələlik məlum deyil.

Təhlükəsizlik məqsədilə bina sakinləri təxliyə edilib.

Faktla bağlı araşdırma aparılır.