BP-yə yeni vitse-prezident təyin olunub

Nadir İmanov aprelin 1-dən BP-nin Azərbaycan, Gürcüstan və Türkiyə (AGT) regionu üzrə maliyyə məsələləri üzrə vitse-prezidenti təyin edilib. Bu barədə BP məlumat yayıb. 

İmanov hazırda şirkətin Yaxın Şərq və Şimali Afrikada maliyyə üzrə vitse-prezidentidir. Yeni vəzifəsində o, AGT regionunda maliyyə məsələlərinin idarə edilməsinə cavabdeh olacaq və BP-nin London ofisindəki hasilat və əməliyyatlar sahəsində maliyyə üzrə baş vitse-prezidentin rəhbərliyi altında çalışacaq.

İmanov, hazırkı AGT vitse-prezidenti Kolin Allanı əvəz edəcək. Allan aprelin 1-dən Birləşmiş Krallığa qayıdacaq.

BP-də yerli vətəndaş olan yeddinci vitse-prezident kimi İmanov, AGT üzrə regional rəhbər heyətin üzvü olacaq. O, 30 ildən artıq planlaşdırma və kommersiya təcrübəsinə malikdir və Azərbaycan, Türkiyə, Misir və Omanda böyük komandalara və iri biznes sahələrinə rəhbərlik edib.

Aytac