Bakıda şagirdə xəsarət yetirilməsi faktı üzrə cinayət işi açılıb

Bakıda orta məktəbin IX sinif şagirdinin xəsarət alması faktı ilə bağlı cinayət işi açılıb.

Anews.az-ın əldə etdiyi məlumata görə, Yasamal rayon Polis İdarəsində faktla bağlı cinayət işi başlanıb. İstintaq tədbirləri davam etdirilir.

Aprelin 20-də 286 nömrəli tam orta ümumtəhsil məktəbinin IX sinif şagirdi sinif yoldaşına xəsarət yetirib. Hadisəni törətməkdə şübhəli bilinən şəxs polis əməkdaşları tərəfindən saxlanılıb.

Məlumata görə, 2010-cu il təvəllüdlü yeniyetmə 2011-ci il təvəllüdlü şəxsin üzərinə spirt tökərək alışqanla yandırıb.

Yeniyetmə yanıq xəsarəti ilə xəstəxanaya yerləşdirilib.