Deputat sosial şəbəkələrdə polis müzakirələri ilə bağlı ciddi çağırış edib

Sosial şəbəkələrdə hüquq-mühafizə orqanlarına qarşı aparılan müzakirələrin dövlət institutlarına etimadı zəiflətmək riski yaradır. Bunu deputat Razi Nurullayev deyib. 

O bildirib ki, son dövrlərdə xüsusilə Daxili İşlər Nazirliyi və hüquq-mühafizə sisteminə yönəlmiş tənqidlər “sistemli kampaniya” xarakteri alarsa, bu, ictimai sabitliyə və milli təhlükəsizliyə təsir göstərə bilər.

Onun sözlərinə görə, dövlət institutlarına inamın sarsıdılması bir çox ölkələrdə siyasi böhran və xaos proseslərinin başlanğıc mərhələsi kimi müşahidə olunub.

Nurullayev bildirib ki, hüquq-mühafizə orqanlarında problemlərin mövcudluğu istisna edilmir, lakin onların həlli emosional yanaşma ilə deyil, institusional mexanizmlər çərçivəsində həyata keçirilməlidir.

Deputat qeyd edib ki, sosial şəbəkələrdə bəzi halların hüquqi qiymətləndirmə aparılmadan yayılması ictimai narazılığı artırır və dövlət-cəmiyyət münasibətlərinə mənfi təsir göstərir.

O əlavə edib ki, polis və digər hüquq-mühafizə orqanları təhlükəsizliyin təmin olunmasında mühüm rol oynayır və fərdi pozuntular bütövlükdə sistemə qarşı ittiham üçün əsas ola bilməz.

Gülnar Nazimqızı