Mənzil sektoruna investisiya iqtisadi artımı sürətləndirir - Rossbax

Mənzil sektoruna investisiya yalnız sosial rifahı deyil, həm də iqtisadi inkişafı stimullaşdıran əsas amillərdən biridir. Bunu UN-Habitat proqramının rəhbəri Anaklaudia Rossbax bildirib.

O, Dünya Şəhərsalma Forumu çərçivəsində çıxışı zamanı qeyd edib ki, mənzil sektoru geniş dəyər zəncirinə malik böyük sənayedir və həm iri, həm də kiçik bizneslərin inkişafına təkan verir.

Rossbaxın sözlərinə görə, mənzil tikintisinə yatırılan vəsait yerli iqtisadiyyatda multiplikativ effekt yaradır, insanların gəlirlərini artırır, yeni iş yerlərinin açılmasına və icmaların inkişafına töhfə verir.

“Mənzil sektorunu iqtisadiyyatın mühüm investisiya istiqaməti kimi görməliyik. Bu sahəyə yatırılan vəsait əlavə iqtisadi dəyər formalaşdırır və ÜDM-in artımına müsbət təsir göstərir”, –  o bildirib.

Gülnar Nazimqızı