Kompüter və elektronika istehsalı azalıb

Azərbaycanda kompüter, elektron və optik məhsulların istehsalı 2026-cı ilin yanvar-may aylarında ötən ilin eyni dövrü ilə müqayisədə 37,3% azalıb, elektrik avadanlıqlarının istehsalı isə 18,4% artıb. Bu barədə Dövlət Statistika Komitəsi məlumat verib. 

Hesabat dövründə bu iki sahə üzrə ümumilikdə 114,4 milyon manatlıq məhsul istehsal edilib.

Məlumata əsasən, kompüter, elektron və optik məhsulların istehsalı seqmentində noutbuk istehsalı illik müqayisədə 51,5% azalıb.

Eyni zamanda, elektrik avadanlıqlarının istehsalı sahəsində artım qeydə alınıb. Yanvar-may aylarında elektrik tənzimləyici cihazların istehsalı ötən ilin müvafiq dövrü ilə müqayisədə 38,3% yüksəlib.

Gülnar Nazimqızı