Azərbaycanda qadınların pensiya yaşı 65-ə çatdırılıb

İyulun 1-dən Azərbaycanda qadınların yaşa görə əmək pensiyasına çıxmaq üçün müəyyən edilmiş yaş həddi 65-ə çatdırılıb və kişilərlə bərabərləşdirilib.

"Əmək pensiyaları haqqında" qanuna əsasən, kişilər üçün pensiya yaşı 2017-ci il iyulun 1-dən başlayaraq hər il 6 ay artırılaraq 2021-ci il iyulun 1-də 65 yaşa çatdırılmışdı. Qadınlar üçün isə eyni artım prosesi 2017-ci il iyulun 1-dən başlayıb və 2027-ci il iyulun 1-dək davam edir. Nəticədə, 2026-cı il iyulun 1-dən qadınlar üçün də pensiya yaşı 65 olub.

Qanunvericiliyə əsasən, yaşa görə əmək pensiyası hüququ pensiya yaşına çatmış şəxsin fərdi hesabındakı pensiya kapitalının minimum əmək pensiyası məbləğindən az olmayan pensiya təminatına imkan verdiyi halda sığorta stajından asılı olmayaraq yaranır. Pensiya kapitalı buna imkan vermədikdə isə, 2017-ci il iyulun 1-dək yaşa görə pensiya təyin edilmiş şəxslər istisna olmaqla, ən azı 25 il sığorta stajı tələb olunur.

Gülnar