Deputat - qanunun dili asan yazılmalıdır ki, insanlar başa düşsün

Milli Məclisin deputatı Aydın Mirzəzadə  “Kraudfandinq haqqında” qanun layihəsinin dilinin sadələşdirilməsini və yeni maliyyə mexanizmi ilə bağlı maarifləndirmə işlərinin gücləndirilməsini təklif edib.

Deputat bildirib ki, qanunun effektiv tətbiqi üçün vətəndaşların onun tələblərini tam başa düşməsi vacibdir. Bu baxımdan o, qanun layihəsinin daha sadə və anlaşıqlı dildə hazırlanmasının məqsədəuyğun olacağını qeyd edib.

Aydın Mirzəzadə, həmçinin, gələcəkdə qanunun yaratdığı imkanlardan səmərəli istifadə olunması üçün crowdfunding üzrə xüsusi maarifləndirmə mərkəzinin yaradılmasını təklif edib.

Onun sözlərinə görə, belə bir mərkəz sosial şəbəkələr və kütləvi informasiya vasitələri üzərindən mütəmadi izahatlar verməli, vətəndaşları yeni maliyyə alətinin imkanları və tətbiq qaydaları barədə məlumatlandırmalıdır.

Gülnar Nazimqızı