Azərbaycan və Qazaxıstan Orta Dəhlizin inkişafını müzakirə edib

Azərbaycan və Qazaxıstan nəqliyyat, logistika və rəqəmsal infrastruktur sahələrində əməkdaşlığın mövcud vəziyyəti və gələcək inkişaf perspektivlərini müzakirə ediblər. Bu barədə rəqəmsal inkişaf və nəqliyyat naziri Rəşad Nəbiyev "X" sosial şəbəkəsində paylaşım edib.

Nazirin sözlərinə görə, müzakirələr Qazaxıstan Prezident Administrasiyası rəhbərinin müavini Asel Janasova ilə keçirilən görüş zamanı aparılıb.

Rəşad Nəbiyev bildirib ki, görüşdə Orta Dəhlizin inkişafı, marşrutun rəqabətqabiliyyətinin artırılması, liman və nəqliyyat infrastrukturunun gücləndirilməsi, rəqəmsal platformaların tətbiqinin genişləndirilməsi, avtomobil yükdaşımalarının asanlaşdırılması və yeni bərə layihəsinin həyata keçirilməsi ilə bağlı ətraflı fikir mübadiləsi aparılıb.