Dörd rayonda yanğına səbəb olan şəxslər müəyyən edilərək məsuliyyətə cəlb olunub

Cəlilabad, Goranboy, Oğuz və İsmayıllı rayonlarında baş verən yanğın hadisələrinə səbəb olan şəxslər müəyyən edilərək məsuliyyətə cəlb olunublar.

Daxili İşlər Nazirliyinin (DİN) Mətbuat xidmətindən bildirilib ki, ötən gün Cəlilabad rayonunun Maşlıq, Goranboy rayonunun Düzqışlaq, Oğuz rayonunun Yaqublu və İsmayıllı rayonunun Qəzli kəndləri ərazilərində baş verən yanğınlarla bağlı polis araşdırma aparıb.

Araşdırmalar nəticəsində yanğınların həmin rayonların sakinləri F.Zeynalov, Ə.Əliyev, A.Ağayev və M.Şükürov tərəfindən törədildiyi müəyyən edilib.

Yanğınlar nəticəsində ümumilikdə 9 hektara yaxın ərazidə biçilmiş əkin sahələri və kol-kos yanıb.

Hazırda şəxslərin hansı səbəbdən yanğına səbəb olduğu və onlara tətbiq ediləcək məsuliyyət tədbirləri ilə bağlı əlavə məlumat verilməyib.