DİN: ötən gün 49 cinayət açılıb, 120 axtarışda olan şəxs saxlanılıb

Azərbaycanda avqustun 24-də polis əməkdaşları tərəfindən 49 cinayətin açılması təmin edilib. Bu barədə Daxili İşlər Nazirliyinin mətbuat xidmətindən bildirilib. 

Həmin gün ölkə ərazisində 45 cinayət qeydə alınıb, əvvəlki dövrlərdən bağlı qalan 4 cinayət isə açılıb.

Axtarışda olan 120 nəfər saxlanılaraq aidiyyəti üzrə təhvil verilib. Onlardan 105 nəfər borclu şəxs qismində axtarışda olub.

Polis əməkdaşları narkotiklərlə əlaqəli 18 fakt, qanunsuz saxlanılan silah-sursatın aşkarlanması və götürülməsi ilə bağlı isə 7 fakt müəyyən edib.

Cinayət törətməkdə şübhəli bilinən 37 nəfər saxlanılıb.

Gülnar Nazimqızı