Azərbaycanda bir gündə 73 cinayət açılıb

Avqustun 25-də Azərbaycanda polis əməkdaşları tərəfindən 57-si həmin gün, 16-sı isə əvvəlki dövrlərdən bağlı qalan olmaqla 73 cinayətin açılması təmin edilib. Bu barədə Daxili İşlər Nazirliyindən bildirilib. 

Gün ərzində axtarışda olan 121 nəfər saxlanılaraq aidiyyəti üzrə təhvil verilib. Onlardan 101 nəfər borclu şəxs qismində axtarışda olub.

Həmçinin narkotiklərlə əlaqəli 23 fakt, qanunsuz saxlanılan silah-sursatın aşkarlanması və götürülməsi ilə bağlı 8 fakt müəyyən edilib.

Cinayət törətməkdə şübhəli bilinən 48 nəfər də polis əməkdaşları tərəfindən saxlanılıb.

Gülnar Nazimqızı