Sabah bu ərazilərdə işıq olmayacaq

Sentyabrın 24-də Bakının Yasamal və Xəzər rayonlarının bəzi ərazilərində təmir və yenidənqurma işləri ilə əlaqədar elektrik enerjisinin verilişində müvəqqəti məhdudiyyət yaranacaq.Bu barədə “Azərişıq” ASC məlumat yayıb.

Yasamal Rayon Enerji Təchizatı və Satışı İdarəsinin (RETSİ) xidmət ərazisində transformator məntəqəsində aparılacaq təmir işləri ilə əlaqədar saat 10:00-dan 13:00-dək Arif Mehdiyev, Ələsgər Ələkbərov, Əsəd Əhmədov və Murad Mirzəyev küçələri, Hüseyn Cavid prospekti və İkinci Alatava yaşayış massivinin bir hissəsində elektrik enerjisinin verilişi məhdudlaşdırılacaq.

Xəzər RETSİ-nin ərazisində isə 6 kV-luq ikidövrəli hava xətlərində elektrik naqilləri yenilənəcək. Bununla əlaqədar saat 10:00-dan 15:00-dək Mərdəkan qəsəbəsində Almaz İldırım, Hacı Məmmədov, Məmməd Səid Ordubadi və Mirzə Ələkbər Sabir küçələrinin bəzi ərazilərində elektrik enerjisinin verilişində müvəqqəti məhdudiyyət tətbiq olunacaq.

“Azərişıq”ın məlumatına görə, işlər başa çatdıqdan sonra həmin ərazilərdə elektrik enerjisinin təchizatının keyfiyyətinin və dayanıqlığının artırılması nəzərdə tutulur.