Nəqliyyat dəhlizlərinin inkişafı üçün biznesə proqnozlaşdırıla bilən şərait yaradılmalıdır

Nəqliyyat dəhlizlərinin uğurlu inkişafı üçün biznesə proqnozlaşdırıla bilən şərait yaradılmalı, müştərilərin cəlbi və qurumlararası koordinasiya gücləndirilməlidir. Bunu “Chemonics International”ın nümayəndəlik və layihə rəhbəri, Daşkənd Mərkəzi Asiya İnkişaf İnstitutunun həmtəsisçisi və ölkə üzrə direktoru, CAMCA şəbəkəsinin üzvü Fərrux İrnazarov Bakıda keçirilən “CAMCA 2026” Regional Forumunda deyib.

Onun sözlərinə görə, infrastruktur yatırımları ilə yanaşı, nəqliyyat marşrutlarının səmərəliliyinin artırılması üçün proseslərin rəqəmsallaşdırılması və dövlət qurumları arasında koordinasiyanın təmin edilməsi vacibdir.

İrnazarov qeyd edib ki, rəqəmsal alətlər problemlərin vaxtında aşkarlanmasına və şəffaflığın artırılmasına imkan verir. O, həmçinin regionların alternativ nəqliyyat marşrutlarına çıxışının vacibliyini vurğulayıb.

Aytac