İxtisaslaşmış rayonlarda müasir suvarmaya hektara 400 manat subsidiya veriləcək — nazir

İxtisaslaşmış rayonlarda müasir suvarma sistemlərindən istifadə edən istehsalçılara hektara 400 manat subsidiya ödəniləcək. Əvvəllər dəmyə və açıq suvarma sahələri üzrə subsidiya hektara 200 manat olub. Bunu kənd təsərrüfatı naziri Məcnun Məmmədov bildirib.

Məmmədovun sözlərinə görə, azad edilmiş ərazilərdə tətbiq olunan bu mexanizm gələn ildən digər bölgələrdə də həyata keçiriləcək.

Nazir bildirib ki, müasir suvarma ilə ərzaqlıq buğda istehsal edən fermerlər məhsulu laboratoriyada təsdiqləndikdən sonra emal müəssisələrinə təhvil verərlərsə, tonuna əlavə 100 manat subsidiya ala biləcəklər.

İxtisaslaşmış rayonlarda istehsal olunan ərzaqlıq buğdanı emalçılara təhvil verən digər istehsalçılara isə tonuna 50 manat əlavə subsidiya nəzərdə tutulub.

Məmmədov həmçinin bağçılıq üçün azad edilmiş ərazilərdə və Naxçıvanda hektara 2 min manatdan 20 min manatadək dəstək veriləcəyini bildirib. Техника və avadanlıq üzrə güzəştlər 50 faizə, yerli istehsal olan müasir suvarma sistemləri üçün isə 60 faizə qədər artırılıb.

Gülnar Nazimqızı