İbrahimov aqrar sahədə iri kooperativlərin yaradılmasına çağırıb

Azərbaycanda kənd təsərrüfatı istehsalında iri təşkilatların və kooperativlərin fəaliyyətinə ehtiyac var, çünki kiçik kooperativlərin qeydiyyatdan keçməsi onların səmərəli işləməsinə zəmanət vermir. Bunu deputat Eldar İbrahimov Milli Məclisdə çıxışı zamanı bildirib.

“İnsanların artan tələbatını ödəmək üçün böyük təşkilatlar, böyük kooperativlər olmalıdır ki, iş görə bilsinlər”, - İbrahimov parlamentdə “Aqrar sahə haqqında” qanun layihəsinin müzakirəsi zamanı deyib.

O bildirib ki, kooperasiya haqqında qanunvericilik təşəbbüsləri əvvəllər ölkədə lazımi nəticə verməyib, çünki bunun üçün vaxt yetişməmişdi. İbrahimovun fikrincə, indi həm zaman yetişib, həm də dövlətin aqrar sahəyə dəstək üçün geniş imkanları var.

Gülnar Nazimqızı