Astara Terminalında yük aşırımı 33% artaraq 631 min tonu ötüb

 İran ərazisində yerləşən Astara Terminalında 2026-cı ilin yanvar-sentyabr aylarında 631 min tondan çox yük aşırılıb. Bu, ötən ilin eyni dövrü ilə müqayisədə təxminən 33% çoxdur. Bu barədə “Azərbaycan Dəmir Yolları” QSC (ADY) məlumat yayıb.

Bildirilib ki, təkcə sentyabr ayında terminalda 93 min tondan çox yük aşırılıb. Bu göstərici ötən ilin müvafiq ayı ilə müqayisədə 52% artıb.

 Tikinti işləri yekunlaşmaq üzrə olan Astara Terminalı tam gücü ilə fəaliyyətə başladıqdan sonra illik 3,5–4 milyon ton yük aşırımı gücünə malik olacaq. Bu, regional yük əməliyyatlarının genişləndirilməsinə imkan verəcək.