Bakının bir sıra yollarında sürət həddi endirilib

Bakıda yağışlı hava şəraiti ilə əlaqədar bir sıra yollarda sürət həddi endirilib.Bu barədə Daxili İşlər Nazirliyinin (DİN) Nəqliyyatı İntellektual İdarəetmə Mərkəzi məlumat yayıb.

Bildirilib ki, hazırda yağışlı hava şəraiti ilə əlaqədar Zığ dairəsi–Hava Limanı yolunda sürət həddi 40 km/saat, Heydər Əliyev prospekti–Mərdəkan–Zuğulba yollarında isə bütün zolaqlar üzrə 20 km/saat azaldılıb.

Qeyd olunub ki, bununla bağlı məlumat-sürət tablolarında müvafiq dəyişikliklər edilib və bütün tablolarda "sürüşkən yol" xəbərdarlıq işarəsi aktivləşdirilib.