Bakıda və bir sıra bölgələrdə güclü külək əsəcək – XƏBƏRDARLIQ

Bakıda və Abşeron yarımadasında, eləcə də Azərbaycanın bir sıra bölgələrində noyabrın 8-9-da güclü külək əsəcəyi gözlənilir.

Milli Hidrometeorologiya Xidməti gözlənilən küləkli hava şəraiti ilə bağlı sarı və narıncı xəbərdarlıqlar verib.

Bildirilib ki, Bakıda və Abşeron yarımadasında, həmçinin Mingəçevir, Naftalan, Neftçala, Hacıqabul, Qobustan, Qusar, Xızı, Goranboy, Daşkəsən və Ağstafada narıncı xəbərdarlığa uyğun olaraq qərb küləyi əsəcək. Küləyin sürətinin saniyədə 20,8-28,4 metrədək güclənəcəyi gözlənilir.

Kəlbəcər, Laçın, Cəbrayıl, Zəngilan, Quba, Xaçmaz, Şabran, Siyəzən, Şamaxı, Salyan, Qəbələ, İsmayıllı, Biləsuvar, Cəlilabad, Lerik, Yardımlı, Qazax, Tovuz, Şəmkir, Gəncə, Samux, Göygöl, Gədəbəy, Şirvan, Yevlax, Tərtər, Ağdam və Bərdədə isə sarı xəbərdarlığa uyğun olaraq qərb küləyi əsəcək. Küləyin sürətinin saniyədə 13,9-20,7 metr olacağı proqnozlaşdırılır.