Azərbaycan-İran sərhədində yenə növbə yarandı

Dünən Biləsuvar rayonunda, İran İslam Respublikası ilə sərhəddə vəziyyət normallaşsa da, bu gün səhər saatlarında İranın sərhəd keçid məntəqəsində yeni qaydaların tətbiq etməsi ilə yenidən buraxılış məntəqəsində yük avtomobillərinin böyük nöbəsi yaranıb.

ANS PRESS-in bölgə müxbirinin verdiyi məlumata görə, yeni qaydalara əsasən, qarşı tərəfə keçən avtomobillərinin yüklə birlikdə ümümi çəkisi 30 tondan yuxarı olmamalıdır. Sürücülərinin sözlərinə görə, İranın tətbiq etdiyi yeni qaydalar beynalxalq yükdaşıma standartlardan xeyli fərqlidir.

Sürücü Sahib Səmədovun sözlərinə görə, dünya standartı 40 tondur. 

Maraqlıdır ki, hər iki tərəfə sərbəst keçən İrana məxsus yük avtomobillərinin əksəriyyətinin yükü 30 tondan yuxarı olasa da, onların keçidində heç bir məhdudiyyətlər yoxdur. Sürücülər deyirlər ki, qarşı tərəfə keçən yerli avtomobillərindəki yüklərin çəkisinin azladılması onların xərclərinin çoxalmasına, gəlirlərinin isə azlmasına səbəb olacaq.

Sərhəddən buraxılmayan bəzi yük avtomobil sürücüləri Biləsuvar sərhəd keçid məntəqəsində 30 tondan artıq olan yüklərini digər avtomobillərə boşaltmağa başlayıblar.

Qarşı tərəfdən gələn sürücülərin sözlərinə görə, dünən Biləsuvardan buraxılmış əksər yük avtomobilləri Culfa sərhəd keçid məntəqəsində saxlanıb. Sürücülərdən geri qayıdarıq yüklərinin çəkisinin azltmaları tələb olunduğu bildirlir. Hazırki saatlarda isə Naxçıvanda İranla sərhəddə 150-dən yuxarı yük avtomobili Muxtar Respublikaya buraxılmır.

ANN.Az