• $
  • €
  • ₽
  • ₺
  • £

Azərbaycanda əczaçılıq laboratoriyası yaradılır

Azərbaycanda əczaçılıq laboratoriyası yaradılır
13.04.2015 15:25
"Cari ilin sonu üçün Azərbaycan Tibb Universitetinin (ATU) nəzdində əczaçılıq laboratoriyasının açılması nəzərdə tutulub. Artıq laboratoriya üçün avadanlıqların alınmasına başlanılıb".
 
Bu barədə "Report"a açıqlamasında ATU-nun Əczaçılıq fakültəsinin dekanı, professor Tahir Süleymanov deyib.

Onun sözlərinə görə, Azərbaycanda dərman istehsalı demək olar ki, yoxdur: "Çünki ölkədə təxminən 2-3 faiz həcmdə dərman istehsalı var. Ona görə də elmi tədqiqatlar mütləq təcrübəyə dayanmalıdır. Bu istiqamətdə ATU-nun Əczaçılıq fakültəsində müxtəlif ixtisaslı kadrlar uzun müddət iş aparıblar. Lakin bütün bunlar pərakəndə şəkildə olub. Hazırda dekanlıq olaraq ölkə üzrə müasir problem olan əczaçılıq laboratoriyasının qurulması ilə məşğuluq".

Fakültə dekanı bildirib ki, Prezident yanında Elmin İnkişafı Fondunun bu istiqamətdə həyata keçirdiyi müsabiqəyə layihə təqdim edilib: "Laboratoriyanın qurulması üçün 1 milyon dəyərində layihənin qalibi olmuşuq. Hazırda yeni laboratoriyanın qurulması və avadanlıqların alınması istiqamətində işlər aparılır. Bundan sonra elmi tədqiqatların nəticələrinin praktikaya tətbiqini keçirmək daha rahat olacaq. Həmçinin laboratoriya vasitəsi ilə keyfiyyətsiz dərmanlara nəzarəti gücləndirmək üçün müəyyən qədər kömək edə biləcəyik".

Avadanlıqların əsasən Amerikanın "Agilent" şirkətinə məxsus olacağını deyən T.Süleymanov qeyd edib ki, dərmanların keyfiyyətinə nəzarəti həyata keçirmək üçün ən müasir avadanlıqlar məhz bu şirkətə məxsusdur: "Prezident İlham Əliyevin tapşırığına əsasən, Azərbaycan brendinə uyğun gələn dərman məhsulları istehsal olunmalıdır. Ona görə də bu işlərə nəzarət edən laboratoriyanın olması vacib idi. Laboratoriya Tibb Universitetinin əsaslı korpusunda ayrıca struktur kimi fəaliyyət göstərəcək. Laboratoriyanın yaradılmasında əsas məqsəd əczaçı alimlərimiz öz təcrübələrini praktikada tətbiq edə bilmələri, həmçinin doktorant və magistrları işlə təmin etməkdir. Bundan başqa, laboratoriyadan müəyyən qədər tədris prosesində yararlana biləcəyik. 2015-ci ilin sonuna qədər laboratoriya təhvil verilməlidir".

O, həmçinin əlavə edib ki, Avropa ölkələrində kliniki əczaçılıq üzrə mütəxəssislər hazırlanır: "Hazırda Azərbaycanda tədris proqramının bu istiqamətdə dəyişdirilməsi ilə bağlı işlər aparılır. Bununla da kliniki əczaçı kadrların hazırlanmasına başlanılacaq. Böyük Britaniyadan əczaçılıq şöbəsinin dekanı ekspert kimi ATU-nun qonağı olub. O, bu proqrama rəy yazıb".


www.ann.az
Instagram
Keçid et
Oxşar xəbərlər
Oxşar xəbərlər
Xaçmazda iki avtomobil toqquşub, bir ailənin altı üzvü xəsarət alıb
Cəmiyyət 23:30
Xaçmazda iki avtomobil toqquşub, bir ailənin altı üzvü xəsarət alıb
Qazaxda 63 yaşlı kişi Kürdə batıb
Cəmiyyət 22:56
Qazaxda 63 yaşlı kişi Kürdə batıb
Bu ərazilərdə qaz olmayacaq
Cəmiyyət 22:20
Bu ərazilərdə qaz olmayacaq
Sabah hava meteohəssas insanlar üçün əlverişsiz olacaq
Cəmiyyət 18:06
Sabah hava meteohəssas insanlar üçün əlverişsiz olacaq
Magistral yollarda görünüş məsafəsi məhdudlaşacaq
Cəmiyyət 17:43
Magistral yollarda görünüş məsafəsi məhdudlaşacaq
Gəncədə yol qəzası baş verib, xəsarət alanlar var
Cəmiyyət 13:30
Gəncədə yol qəzası baş verib, xəsarət alanlar var
Sabah Bakıya yağış, dağlıq ərazilərə qar yağacaq
Cəmiyyət 12:38
Sabah Bakıya yağış, dağlıq ərazilərə qar yağacaq
Azərbaycan vətəndaşlarının İordaniyaya vizasız rejimi tətbiq edilib
Cəmiyyət 12:01
Azərbaycan vətəndaşlarının İordaniyaya vizasız rejimi tətbiq edilib
Astarada yol qəzası nəticəsində qaz xətti zədələnib, beş kənddə qaz kəsilib
Cəmiyyət 11:45
Astarada yol qəzası nəticəsində qaz xətti zədələnib, beş kənddə qaz kəsilib
Anews TV

Rəsmi Youtube kanalımız

Abunə ol