İşdən çıxarılan Qarabağ əlili nazirliyə şikayət etdi

Oxu.Az xəbər verir ki, araşdırma nəticəsində Bayramov Elxan Adıgözəl oğlu ilə bağlanmış əmək müqaviləsinə qeyri-qanuni şəkildə xitam verildiyi müəyyən olunub.

Xidmət tərəfindən əmək qanunvericiliyin tələblərinə uyğun tədbir görülməklə, II qrup Qarabağ müharibəsi əlilinın yenidən "Atena” MMC-də əvvəlki işinə bərpa olunması təmin edilib.

Bildirilir ki, indiyə qədər Dövlət Əmək Müfəttişliyi Xidmətinə bir neçə dəfə bu kateqoriyadan olan şəxslər tərəfindən işdən qeyri-qanuni çıxarılma ilə bağlı müraciətlər daxil olub və bu müraciətlərə dərhal reaksiya verilib.

Xatırladaq ki, Əmək və Əhalinin Sosial Müdafiəsi Nazirliyi işəgötürənlərə  sosial cəhətdən həssas əhali qruplarına, xüsusən də ölkəmizin ərazi bütövlüyü, müstəqilliyi və Konstitusiya quruluşunun müdafiəsi uğrunda döyüşlərdə fiziki sağlamlıqlarını itirmiş insanlara və şəhid ailəsi üzvlərinə daim diqqət və həssaslıqla yanaşmağı tövsiyə edir.