Ən çox bal toplayanlar bəlli oldu

Tələbə Qəbulu üzrə Dövlət Komissiyası 2016-cı tədris ili üçün ali təhsil müəssisələrinin magistratura imtahanlarında yüksək bal toplayan bakalavrların adlarını açıqlayıb.

ANS PRESS-in məlumatına görə, bu barədə qurumun mətbuat xidmətindən açıqlama verilib. Magistraturaya qəbul imtahanının hər iki mərhələsinin cəmi olaraq 144 bal toplayan hər iki bakalavr Prezident yanında Dövlət İdarəçilik Akademiyasının məzunları olub.

Onlar İsmayıl Nəcəfquluzadə və Vasif Babayevdir. İ. Nəcəfquluzadə 672 balla, V.Babayev isə 644 balla Dövlət İdarəçilik Akademiyasının Beynəlxalq münasibətlər ixtisasına qəbul olublar.

Qeyd edək ki, hər ikisi qrup yoldaşıdır.

www.ann.az